بمجرد ما بدأت اكتب حسيت ان كل احاسيسي متلخبطة ومتخبطة
انا متأكد من أني متضايق وحاسس ببركان من الغضب
اصحي من النوم على تليفون الحق الشغل
اركب العربية يا تدور يا ما تدورش
اروح الشغل من ساعة ما ادخل لغاية ما اخرج حاجه متعبة ومقرفه وتعب اعصاب وشد وجذب
انزل بعد ما احس بالتعب واليوم ينتهي
الاقي تليفون : هات كذا وانت جاي
اروح البيت افضل قاعد قدام الطبعه الاولي - العاشرة مساء
الحياة اليوم
بلدنا
90 دقيقة
افتح النت :مصراوي - اليوم السابع - ياهو ورسائله
الدنيا بتنهار والحياة صعبة والعيشة مرة والناس على اخرها
رغيف العيش
الهجرة غير الشرعية
انفاق غزة
مشاكل مشاكل
قالوا لي اتجوز
اتجوزنا والحمد لله وفيه تفاهم
بس الحياة رتيبه
ما فيش جديد
على العلم الحمد لله اصلي وبشتغل وبقرأ كتب وبدخل على النت
طيب ما تيجي نحاول نخلي فية مشروع قومي زي ما بيقولوا
يكون فيه مشاركات حقيقية
والله احنا شباب زي الورد ونفسنا نخدم البلد دي
لان انا عارف لو دخلي 1 جنية وده حال البلد اما لو انصلح دخلي هيبقي 100
انا لو لقيت مشروع قومي البلد تلتف حوله ويخدم البلد والعلم والنظافة اكيد هشارك واكيد فيه الاف الناس اللي زيي واحسن
يعني ايام الفراعنه كان فيه مئات المشاريع القوميه
من قناة سيزوستريس الى الاهرامات والمسلات والمزارع والسدود واقامة الجيوش
حتي محمد علي والقناطر ومنح التعلم
اما عبد الناصر فالقومية والعربيه والثورات والتواحد العربي والسد العالي والورة الصناعية والخطابات البراقه
شوفوا لما جاء واحد داعية الشباب اتلفت حوالية ازاي ولما حد قال يالا كله قال معاك
طيب ما نستفيد علشان ماحدش يقول يالا ويهدم او يستغلهم استغلال غلط وكلنا عارفين ان الفضا وحش من افلام لتحرش لمخدرات لتخريب لحركات غير منتظمة
طيب ما نوحد الماس تحت راية واحدة ويكون فية مشروع يستغل اكثر من 30 مليون شاب تحت خدمة تراب البلد دي
والله انا متأكد
انا بجد متضايق لو حد عنده الحل يقولي
وياريت يكون شئ جديد
ليست هناك تعليقات:
إرسال تعليق
نسعد بتعليقاتكم ومشاركاتكم البنائه